БАЯРТАЙ 2007 он минь

2007 он дуусах хугацаа хором хоромоор багассаар. Өнгөрч байгаа энэ жил миний амьдралд сайн муу, сайхан муухай зөндөө л үйл явдал тохиолдсон. 2007 оныг эргээд нэг бодлоо. Муу муухайгаасаа илүү сайн сайхан үйл явдал нь илүү давамгайлж байгаа юм байна. Сургуулиа амжилттай төгссөн, эрдмийн зэрэг цолоо хамгаалсан. Монголд ирээд ажил хайж албан газрын үүд хаалга ч онголзуулаагүй. Ажлын байр аль хэдийнэ бэлэн байсан. Ажилд ороод удаагүй мөртлөө анхны томилолтоор хилийн чанад руу яваад ирсэн. Хувиараа хилийн дээс алхах, сургуульд сурах гэж гадаад руу явах, албан томилолтоор хилийн дээс давах эрс ялгаатай юм байна лээ.
Миний хувьд ийм "гэгээлэг" сайхан 2007 он дуусах гэж байна.
Миний блогт зочилдог таны хувьд ч бас 2007 он сайн сайхан олон дурсамжыг үлдээсэн байх гэж бодож байна. 2008 онд таны ажил үйлс бүтэмжтэй, эрүүл энх, аз жаргал бялхаж байхыг хүсэн ерөөе! Шинэ оныг сайхан угтаарай.

ШИНЭ ЖИЛИЙН МЭНД

С НОВЫМ ГОДОМ

HAPPY NEW YEAR

Үүр битгий цайгаасай буюу зүүдний ертөнц

Өнгөрсөн шөнө би чамайг зүүдэндээ харлаа. Бүх юм мартагдах байх гэж би бодож байсан. Мартахын тулд ч үнэхээр их тэвчээр өөрөөсөө гаргасан. Гэтэл чи миний зүүдэнд ороод ирэх юм. Яагаад?
Нэлээн удаан хугацаа өнгөрчихөөд байхад чи хуучин дурсамжыг минь сэргээх гэсэн юм шиг, яагаад зүүдэнд минь ороод ирчихэв ээ? Түүнийг өөрийнхөө бодол, сэтгэл зүрхнээсээ авч хаях гэж би хичээж ирсэн. Үнэхээр ч сүүлийн үед би түүнийг мартаж байсан юм. Бараг мартаж байсан энэ үед чи яагаад зүүдэнд минь ороод ирэв ээ? Яагаад?
Би түүнийг зүүдэлсэн нь үнэн хэрэг дээрээ хэзээ ч мартаж чадахгүй гэсэн үг юм болов уу?
Өглөөний цайгаа ууж суухдаа би үүр шөнийн зүүдээ манаж суув. Тэгээд үүр битгий цайгаасай гэж бас бодсон. Амьдрал гэхдээ зүүд биш. Өдөр ажил дээрээ сууж байгаад түүний ажлын газрынхан шинэ жилээ тэмдэглэх гэж байгааг санамсаргүй олж мэдсэн. Энэ чинь юу болж байна аа? Сураг чимээ нь ч огт сонсохгүй, холбоо барихгүй зөндөө удсан хүнийг шөнө нь зүүдэлж, үдэш нь хаана юу хийж байгааг нь санамсаргүй мэдчихдэг байна шүү. Зүүдний ертөнцөө гэж...

Шинэ жилийн бэлэг

Өнөөдөр ажлаа хийгээд сууж байсан чинь манай хэдэн менежерүүд ирж бэлэгээ аваарай гэдэг байгаа. Тэгсэн чинь манай өрөөний нэг бүсгүй ууттай бэлэг бариад л өрөөд ирлээ. Хүмүүсээ шинэ жилийн бэлгээ очиж ав гэж байна гэлээ. Эхэндээ би хүүхэдтэй хүмүүст өгч байгаа юм байна гэж бодсон юм. Тэгсэн нь хүн болгонд өгч байгаа юм гэнэ. Шинэ жилийн хамгийн анхны бэлэгээ ингээд авдаг байгаа...

Алив та нар босооч ээ.

Одоогоос хэдэн хоногийн өмнө америкад амьдардаг хамаатны эгч маань утсаар ярьлаа. Ээжтэй зөндөө л удаан ярьсан юм. Цагийн зөрүүнээс ч болсон юм уу, эсвэл эгчийн зав зай нь тэгэж таарсан юм уу бүү мэд, Улаанбаатарын цагаар өглөөний 6 цагийн үед залгасан юм. Тэгээд өглөө эрт утас хангинаад биднийг сэрээчихэв. Нойрмогхон утсаар ярьсан ээжийг

-Та нар ямар их унтдаг юм. Өглөө 6 болж байхад гэж хэлжээ. Би өөрөө өглөө бүр 5 цагт сэрдэг гэж эгч маань ээжид хэлж л дээ. Утсаар ярьж дуусаад нөгөөх чинь өглөө 6 цагт утасдаад та нар ямар их нойртой улс вэ? Америкаас биднийг хэдэн цагт сэрэхийг заачих юм аа гэж ээж хошигносон аястай хэллээ.

Монголчууд бид нар ер нь их унтдаг хүмүүс гэдэгтэй би ч санал нийлдэг юм. Гадаадад бол хүмүүс өглөө эрт босдогийг ч мэднэ л дээ.Оюутан байхдаа би нэг удаа нам унтаад хичээлээсээ хоцроод очдог байгаа. Тэгсэн чинь манай орос багш “Нөхөр минь чи сургуулиасаа холгүй амьдарч байгаа хэрнээ яагаад хоцордог юм бэ? Манай гэр Москвагаас бүр хол, жижиг дагуул хотод байдаг. Би өглөө 5 цагт сэрээд гэрийхэндээ өглөөний цайг нь бэлтгээд хот хоорондын цахилгаан галт тэргээр Москвад ирж, вокзалаас метро, травмайгаар дамжин байж 9 цагт эхэлдэг ажилдаа хоцрохгүй ирж байна гэж хэлж байсан юм.

Ингээд бодохоор би нээрээ их унтамхай хүн юм аа гэдгээ хүлээн зөвшөөрч байсан юм. Би заримдаа ажил руугаа орохын өмнө жижиг савласан кофе, жаахан идэх юм авах санаатай дэлгүүр ордог юм. Улаанбаатарт өглөөний 9 цагт онгорхой байдаг үйлчилгээний газар бараг байдаггүй юм даа. Харин Монголоос өөр оронд бол өглөөний 9 цаг гэхэд амьдрал ид буцалж байгаа даа. Монголын нөхцөлд өглөөний 5 цагт сэрэх нь ч хаашаа юм. Ялангуяа нүүрсний утаанд умбаж байгаа Улаанбаатарт амьдарч байгаа болохоор яаж өглөө гэрээсээ гарна даа гэж би зүрхшээдэг болчихсон. Эрх биш ажилдаа заавал явах ёстой болохоор л өглөө гэрээсээ дуртай дургүй гарч байгаа юм. Цаг агаар дулаан, экологийн проблем багатай, хүн ам нь хэдэн арван саяараа тоологддог, ажил хэрэгч том мегаполист амьдарч байгаа хүмүүс бол өглөө 5 цагт ч сэрэлгүй ч яахав дээ. Угаасаа өглөө эрт сэрэхийг орчин нөхцөл нь шаарддаг байлгүй дээ. Харин монголд нөхцөл байдал өөр байгааг дэлхийн бөмбөрцөгийн нөгөө талд амьдарч байгаа эгч маань яаж ч ойлгох вэ дээ? Тэгээд ч эх орноосоо хол амьдарч байгаа хүмүүс монголын амьдралын бодит байдлын талаар ямар ч төсөөлөлгүй болчихдог. Интернэтээр монголын хэдэн сайтуудаас мэдээлэл авч байгаа ч энэ нь монголын нийгмийн тухай бүрэн дүүрэн ойлголт өгч чадахгүй нь ойлгомжтой. Ер нь хүн амьдарч байгаа орчиндоо амархан дасдаг шүү. Хүн аливаа орчинд дасамхай болохоор л хилийн чанадад суугаа элчин сайд, консулыг максимум нь 4 жилийн хугацаатай томилдог нь тохиолдолын хэрэг биш.Нөгөө элчин сайд нь удахаараа орчиндоо дасаад, амьдарч байгаа орондоо өрнөж байгаа үйл явдлыг харийн хүний нүдээр харахаа больчихдог гэмтэй учираас л тэр...

2007 оны 351 дэхь өдөр

Ойрдоо ажил ихтэй болохоор блогоор шагайсангүй. Шинэ жил улам дөхөөд л байна. Яг 14 хоногийн дараа 2008 он гарах нь ээ. Оны сүүл болох гэж байгаа болохоор албан газар болгон л тайлан тооцоо гаргах гээд хуучин архиваа уудалаад суугаа байх даа гэж бодож байна. Би бас 2007 оны тойм, тайлан гэж нүсэр ажлын ард гарах ёстой. Тэгэж байгаад л ханцуй шамлан орно доо. Хажуугаар нь бас шинэ жилийн пари-д орооч гэсэн баахан хүмүүс утасдаад...
Арван жилийнхэн, их сургуульд хамт сурч байсан хэсэг нөхдүүд, ажлын газрынхан гээд л баахан хүмүүс тал тал тийшээ чангаагаад. Шинэ жилийн баярын хэдэн өдөр хаана юу хийх, төлөвлөгөө, дүр зураг ерөнхийдөө төсөөлөгдөөд байгаа юм. Сүхээ ахын талбай дээр сүлд модоо засчихсан байна лээ. Өөр бас хотын хэд хэдэн газар сүлд мод харагдсан шүү.
Шинэ жилээс өмнө амжиж хамаатаныхаа дүү нартаа бас бэлэг цуглуулах юм байна. Жаахан байхдаа бэлэг авдаг байсан бол одоо ч өөрөө дүү нартаа бэлэг тараадаг болж байна даа.

КОРНИ - "Наперегонки с ветром"

Слова песни сериала "Кадетство"

от группы Корни

И ты ещё совсем зелёныйК,
Весна на сердце,
Каждый день весна.
Весь мир живёт твоим законом
Наперегонки с ветром.
Впереди любовь
Где-то там.

Потому что у нас
Все роли главные,
Видишь, мы с тобой
Сидим в одном ряду.
Даже если у нас
Дороги разные,
Видишь, ты идёшь,
И рядом я иду.

Потому что у нас
Все роли главные,
Видишь, мы с тобой
Сидим в одном ряду.
Даже если у нас
Дороги разные,
Видишь, ты идёшь,
И рядом я.

Твоё сегодня бесконечно,
Так много можно сделать
В первый раз.
Дыши свободно и беспечно,
Распусти свои крылья,
Станут сказки все былью.
Да!

Потому что у нас
Все роли главные,
Видишь, мы с тобой
Сидим в одном ряду.
Даже если у нас
Дороги разные,
Видишь, ты идёшь,
И рядом я иду.

Потому что у нас
Все роли главные,
Видишь, мы с тобой
Сидим в одном ряду.
Даже если у нас
Дороги разные,
Видишь, ты идёшь,
И рядом я.

Шинэ жил дөхлөө дөө...

Шинэ жилийн уур амьсгал ороод гоё байна аа. Улаанбаатарт шинэ жилийн чимэглэлээ зүүгээд эхэлчихсэн. Өчигдөр ажилдаа ирсэн чинь манай ажлын газрын үүдэнд нэг сүлд мод засчихсан байна лээ. Яахав дээ, гоё л харагдаж байна лээ. Ажлын үүдэнд бас нэгн сүлд мод засаад тавьчихаж. Тэр нь нэг их өндөр биш ч бас хөөрхөн л юм. Ерөөсөө одоо хэд хоногоос ажлынхаа өрөөнд сүлд мод засна аа...

Жаахан байхад хамгийн дуртай, хүсэн хүлээдэг баярын нэг нь шинэ жил байлаа. Оюутан байхад ч гэсэн... Шинэ жилээр монгол оюутнуудтай нийлээд шинэ оныг хоёр удаа угтдаг байсан сан. Улаанбаатарт он солигдох үед, бас Москвад он солигдохоор нь шампанск задалдаг байж билээ....

КАДЕТСТВО

TV9 -р "Кадетство" гэдэг оросын олон ангит кино гарч байгаа. Сүүлийн үед энэ киног орой болгон үзэж байгаа юм. Цэргийн сургуулийн банди нарын тухай хөөрхөн кино. Хөгтэй явдлаар дүүрэн энэ киног оросын СТС телевиз бүтээжээ. Орост хамгийн алдартай Суворовын нэрэмжит цэргийн их сургуулийн оюутнуудын амьдралыг харуулсан энэ киног бүтээхэд Цэрэг эрс /"Солдаты"/ киног бүтээсэн найруулагч ажиллажээ.
Кино зохиолыг бичихдээ Суворовын цэргийн их сургуулийг төгссөн цэргийнхэний туулж өнгөрүүлсэн бодит амьдралааа эргэн ярьсан дурсамжаас нь сэдэвлэн санаа авсан гэнэ. Киноны саундтрек "Корни" хамтлагийнхан дуулжээ. Хамтлагийнхан ердөө 20 минутад л киноны дууг зохиосон гэнэ.
Киноны год дүрүүд нь нийгмийн янз бүрийн давхаргын төлөөлөгчид. Энд хотын даргын хүүгээс эхлээд цдам заэлгасан цэргийн гэр бүлийн ганц хүү, бүр тосгоны маанагдуу гэмээр пацан ч гарч байгаа юм. Өөр ббр орчинд өссөн хүүхдүүд цэргийн сургуулийн дотуур байранд нэг дор хэрхэн хамт амьдарч байгааг эндээс харж болно. хамгийн гол нь эх оронч үзлийг энэ киногоор гоё харуулж чадсан байгаа юм.
Ажлаа тараад сая ирлээ. Орой TV9 -р киногоо үзнэ ээ.

Баярын өдөр буюу миний хувьд жирийн л нэгэн ажлын өдөр

Өнөөдөр Монгол улс бүгд найрамдах засаглалаа тунхагласан өдөр. Улс орон даяараа хүмүүс амарч байна. Миний блогт ордог хүмүүст бас баярын мэнд хүргэе.
Улс орон даяараа амарч байхад би өнөөдөр ажиллаж хийгээд л сууж байна. Ийм л үйл лайтай ажил хийж байна даа гэж бодоод л сууж байна. Өнгөрсөн наадмын гурван өдөр хүмүүс амарч байхад би бас л ажлаа хийгээд л явж байсан. Өнөөдөр ч ялгаагүй. Шинэ жилээр аягүй бол бас л ажилдаа явах биз.

Энэ өвлийн анхны цас

Өмнөх өдөр нь цас ороосой гэж мөрөөдөж байлаа. Энэ хүсэл маань 24 цаг хүрэхгүй богино хугацаанд биелдэг юм байна. Амьдралд дээр өөр бусад асуудлууд ингээд миний хүслээр дорхноо биелээд байдаг бол гоё оо. Бүх юм амархан бүтээд байх юм бол амьдрал бас утгагүй ч болчихож мэднэ. Ерөөсөө зарим юм нь ээдрээтэй хэвээрээ л байг. Ээдрээтэй хэцүү байх тусам би ялан дийлэх гэж мэрийгээд зүтгээд тэмцээд байдаг юм...
11 сарын 19-нд өглөө сэрээд цонхоороо харсан чинь дэлхий ээж цагаан дээлээ өмсчихсөн юм шиг гоё харагдаж байна лээ. Би өвлийн хувцас, бээлий малгай ороолтоо аль хэдийнэ өмсөхөд бэлдээд хувцасны өлгүүрт хийчихсэн байсан юм. /Цаад MNED чинь айхтар... кеке/
За тэгээд л 19-ний даваа гаригт ажилдаа явлаа. Хүний мөр гараагүй шинэхэн орсон хөвсгөр цасан дээр гишгэж мөрөө гаргаад л... Энэ өглөө жолооч нар маш болгоомжтой явж байна лээ. Цас орсны дараа хотын агаар бага ч гэсэн цэвэршсэн биз. Утаа униар ч бага, жаахан хүүхдүүдийн хэлдэгээр ёстой ГО ГО байлаа.
Аа тийм, нээрээ анхны цас орсон өдөр манай ажлын газрынхан мэргэжлийн эмч урьж залаад зохион байгуулалттайгаар ханиадны эсрэг вакцин бие махбодь руугаа шахуулцгаасан. Ханиадны вакцин хийлгэх юм бол бүтэн жилдээ ханиад тусдаггүй юм гэнэ. Энэ мөчөөс эхлээд муусайн ханиад гэдэг хадны мангаанаас айхааргүй болсон л гэж бодоод байгаа. Өвлийн 3 сард манай ажлынхан л лав ханиад тусаж халуурсан гэдэг шалтгаанаар ажил тасалж болохгүй болсоон. Ажил таслах хүмүүс арай өөр шалтаг бодож олох хэрэгтэй болоод байна.

Цас ороосой

Сүүлийн хэдэн өдөр гадаа ч хүйтэрч байна шүү. Хүйтэрээд байгаа хэрнээ яагаад цас орохгүй байгаа юм бол оо? Цас ороосой. Будран орж байгаа цасан дундуур алхаж явах юм сан. Бас шинэхэн орсон цасан дээр гишгээд л... Сүүлийн хэд хоног цас ороосой гэж их хүсэж байна аа. Цас орчих юм бол хотын муухай утаа ч бас түр ч гэсэн намдах байх гэж горьдоод байгаа. Нэт ухаж байгаад яндекс-ээс зориуд цаг УБ-ын цаг агаарын 10 хоногийн урьдчилсан мэдээг харав. Монголын биш, гадаадын тэнгэрийн зурхайчид Улаанбаатар хотод 11 сарын 18-нд /өнөөдөр/ -4 хэм хүйтэн, бага зэрэг цас орно гэж айлдсан байна. Худлаа буудаагүй бол цас орох л юм шиг байна. Бас 11 сарын 24 , 25 нд УБ-д цас орох юм байх аа. Үнэн болов уу? Яах бол?
Цас ороосой...

Өнгөрсөн 11 сарын 11-д зориулав.

Арван нэгдүгээр сарын арван нэгэн
Аяа, амьдрал үргэлж ийм
Тэнцүү байдаг бол сайхан аа
Миний жаргалаар эгч минь жаргахгүй
Эгчийхээ зовлонг би хагасалж чадахгүй
Гунигтай яа

Хувь тавилангаа хэрэв хувааж болдог сон бол
Хундаганд архи шиг дүүргээд хэнд ч барихад бэлэн
Өгөөмөр байхын тулд их юм хэрэггүй
Өрөвдөж хэнийг ч хайрлахад,
Өмнөөс нь уйлахад би бэлэн

Бүх хүн өвчингүй бол
Бүх хүн мөнгөтэй бол
Бүгд элэг бүтэн бол...

Бүтэхгүй ийм л хүсэлтэйгээр
Өглөөг дандаа угтдагтаан,
Үзэн яддаг дайснаа ч
Үргэлж, өршөөн уучилдагтаан
Жаргалтай баян явдаг аа, би
Жаргахын тулд их юм хэрэггүй.

Явсан газрын сонин

Улаанбаатартаа эргээд ирсээн. Гэртээ ирээд нэлээн хэд хонож байна. Ирээд ажил гэж толгойтой үснээс их. Юун тэр блог бичих манатай. Өнөөдөр л нэг юм жаахан зав гардаг байгаа. Явсан газрын сонин сайхан зөндөө л байна. Алинаас эхлэж бичихээ мэдэхгүй байна. За байж ерөөсөө л дарааллаар нь бичсэн нь дээр юм байна.

Улаанбаатар хотын төв. 2007-11-08 Өглөөний 5 цаг 20 минут орчим .
Хаазаа нэмээд..
Ганц ээлжийн солих хувцас, шүдний оо сойз, үсний шель, сам хийсэн жижигхэн үүргэвчээ нуруундаа үүрээд, гартаа ажлын газраас өгсөн багаж төхөөрөмжийг бариад л гэрээсээ гарлаа. Аавынхаа унаандаа суугаад л хотын гудамжаар сүнгэнүүлэв. Өглөөний 5 цагийн үед хотын гудамж бараг хоосон. Хаазаа нэмээд хурдаллаа. Гадаа тас харанхуй. Тэртээ дээр ганц хоёр од гялалзаж, замын дагуух шонгийн гэрэл муухан ёлтойж байлаа. Зам чөлөөтэй болохоор 20 минутын дотор л нисэх буудал дээр ирчихлээ.

Буянт Ухаа. 2007-11-08 Өглөөний 6 цаг 10 минут.
Олны танил хүмүүстэй хамт...
Улаанбаатар ганцхан нисэх буудалтай. Тэр нь их сүртэй нэртэй. Түүхэнд гавъяатай мундаг хүний нэрийг нисэх буудал зээлдэж аваад удаагүй байгаа. Буян Ухаа гээд л хуучин нэрээрээ байхад юу нь болохгүй байгаа юм бол гэж би боддог юм. За тэр ч яахав. Онгоцны регистрация- аа хүлээж суулаа. Миний хүү үүрэг даалгавар, ажлаа л сайн хийгээрэй. Бусад нь яахав. Албаны тоног төхөөрөмжийг хямгадаарай гээд л захиас хэлээд байлаа. Би ч за за л гээд толгой дохиод суугаад байлаа. Энэ өглөө хамт замд явах хүмүүс буудлын хүлээлгийн танхимд уван цуван орж ирээд л байлаа. Нэг харсан чинь ардын жүжигчин Хайдав гуай, Ньюанс хамтлагийн гурван залуу, Классик Жемийн дуучин Уянга, дуучин Наран, Түвшинтөгс гээд л олны танил хүмүүс нүдний өмнүүр өнгөрч байна. Бүртгэл эхэллээ гэж зарлаж байна. Би ч үүргэвч, гар цүнхээ аваад аавыгаа за баяртай. Сайн сууж байгаарай гэж хэлээд би оочерт зогслоо.
Шереметьево- 2.
МИАТ-ыг сонгосон танд баярллаа...
Зарим хүмүүс МИАТ-ын үйлчилгээ муудсан гээд л байсан. Би л лав МИАТ-ыг муулмааргүй байна. Оросын АЭРОФЛОТ-ыг бодвол үйлчилгээ сайтай. Гэхдээ CHINA AIR, KOREAN AIR -ийн үйлчилгээг МИАТ-тай харьцуулах ч хэрэггүй л байх л даа. За за тэр ч яахав. МИАТ компани овоо залуухан стюардес ажилд авсан байна лээ. Лав хоёр бүсгүй, миний үеийн насны хоёр залуу ажиллаж байна лээ. Танд юу хэрэгтэй вэ гээд л урдуур хойгуур гүйгээд байсан шүү. Хэдэн цагийн дараа зорьсон газраа хүрсэн.
Москва. Танил хотдоо өнгөрүүлсэн 4 хоног
Дасал болсон газраа албан ажлаар 4 хоносон. Албаны шугамаар баахан л газраар явлаа. Олон хүч хүнтэй уулзлаа. Ажлын талаар бичвэл ч сонирхолгүй байх даа. Ажлынхаа заваар нь университет, студ городок-оороо ороод амжсан. Олон жил амьдарч байсан газраа эргэлээ. Хэ Хэ Хэ. Оюутан байхад ингээд л энэ гудамжаар алхаад л явж байсан сан гээд л дурсаж бодлоо.
Миний төрсөн өдөр
Яг тэнд байхад төрсөн өдөр маань болсон. 2007 онд гэртээ төрсөн өдрөө гэртээ тэмдэглэнэ дээ гэж бодож байсан юм. Тэгсэн чинь дахиад Москвад төрсөн өдрөө тэмдэглэж таарлаа. Монголоос яваад хэд хоногийн дараа эргэж ирэхдээ нэг нас нэмээд ирдэг байна шүү.
Дараа жил ёстой жинхэнээсээ төрсөн өдрөө Монголд тэмдэглэнэ ээ...
Цагийн зөрүү
Зорьсон хэргээ бүтээгээд буцаад л МИАТ-ынхаа онгоцоор эргээд ирсэн. Онгоцондоо яваад орсон чинь өнөө эчнээ танил болсон стюардес залуу, бүсгүй хоёр сайн явж байна уу гээд л толгой мэхийн угтаж байна. Өглө эрт Улаанбаатартаа буугаад гэртээ ирж хэсэг амсхийгээд л ажилдаа явлаа. Тэгсэн чинь үдээс хойш болов уу үгүй юу нүд анилаад ажил дээрээ давсанд явахаа шахсан. А теперь всё в порядке со мной.

Түр баяртай....

Өчигдөр 11 сарын 7-нд хувийн болоод хувьсгалийн ажил амжуулах гэж баахан л ийш тийш гүйлээ. Ашгүй орой болохын алдад л төлөвлөсөн ажилаа бүгдийг нь амжуулав. Орой 22.00 цаг болж байхад л гэрийнхээ босгоор алхав. Гэртээ ирээд ч санаа амарч суусангүй ээ...
За байз, замд гарахад чинь юу юу хэрэг болдог билээ? Жижигхэн цүнхэнд хамгийн чухал гэж үзсэн ойр зуурын, наад захын хэрэгцээний юмаа цуглуулаад хийчихлээ. Тэгээд дахиад бодлоо. Замд гарахад юу хэрэгтэй вэ? гэж... Бодоод л... Бүүр цаасан дээр бичиж жагсаалт гаргалаа. Цүнхэндээ хийсэн юмнуудаа цаасан дээр тэмдэглээд л...
Зиак, тэгээд шөнө дунд болж байхад л сая нэг юм цүнхэн доторхоо жин тан болгоод уужуухан амьсгал авахтайгаа болж байна. Гэтэл бүүр нойр хульжаад амрах хүсэл алга болчихсон байх юм. Хүн яг нойр хүрч байх үед нь л унтахгүй бол дараа нь нойр нь хульждаг гэж үнэн бололтой.Харин одоо эчнээ танил болсон хүмүүсийн блогуудаар орж гараад л сууж байна даа. Аль хэдийнэ өдөр солигдчихсон байгааг сая л анзаарлаа. Өнөөдөр нь 11 сарын 8. Үүр цайх ч дөхөж байх шиг. Хэдхэн цагийн дараа замд гарлаа. Өнгөрсөн зунаас хойш өрнөсөн олон, үйл явдлыг эргүүцүүлэх боломж олгох гэж бас хөгжилтэй өнгөрүүлсэн оюутан үеийн минь дурсамжыг сануулах гэж энэ аялалыг хувь тавилан надад бэлэглэж байгаа юм болов уу? Энэ жил төрсөн өдрөө гэр бүлийнхээ хүрээнд тэмдэглэнэ гэж төлөвлөж байсан маань ч талаар болж байх шиг байна . Сүүлийн бараг найм есөн жил төрсөн өдрөө Монголдоо тэмдэглэсэнгүй. Түр баяртай эх орон минь...

Мобикомын хэрэглэгчидийн анхааралд

Мобиком компани хэрэглэгч та бүхэндээ шинэ үйлчилгээгээг санал болгож байна.
Ирэх долоо хоногоос эхлэн Мобикомын бүх хэрэглэгчид "МИНИЙ ТАЙЛАН" үйлчилгээнд үнэ төлбөргүй хамрагдах боллоо. Сар бүрийн сүүлээр таны илгээсэн мэссежний бичлэг, залгасан дуудлага бүрийг эхнэр /эсвэл нөхөрт/ чинь үнэгүй илгээх боллоо. Энэ үйлчилгээнд хамрагдахыг хүсэхгүй байгаа хэрэглэгчид МОБИКОМ-ын төвд хандаж, энэ шинэлэг үйлчилгээгээг авахгүй байхаа мэдэгдэж 10 доллар нэмж төлнө үү.

PS. Онигоо сониноос энэ зарлалыг уншлаа.Нээрээ ийм үйлчилгээг нээвэл "НО"-той хүмүүс ямар их сандрах бол оо?

Бузартсан бурхан

Дэлхий дээр яг хэчнээн шашин байгааг тоолж гаргах хэцүү байх аа. Гэхдээ хамгийн нөлөө ихтэй, олон сүсэгтэнтэй нь гэвэл христ, лал, будда байх гэж би боддог юм. Христийн шашин нь дотороо католик, протестант, үнэн алдартны гээд хэд хэдэн чиглэлээр хуваагддаг бол будда нь дотороо тоолж барахын аргагүй олон урсгал чиглэлтэй.

Монголд буддын шашины улааны, шарын урсгал зэрэг шахуу дэлгэрч нөлөөгөө нэмэгдүүлэх гэж өөр хоорондоо нэлээн үзэлцэж байгаа эцэстээ буддын шашины шарын урсгал нь зонхиолж үлдсэн байгаа юм.

Соц нийгмийн үед шашин шүтэх хориотой байсан болохоор хүмүүс сэтгэл дотороо л сүслээд явдаг байсан биз. Харин одоо ч сайхан болж дээ. Итгэл үнэмшилээрээ шашин шүтэх, эс шүтэх нь хувь хүний ёстой эрхийн асуудал. Нэг гэр бүлийн гишүүд боловч өөр өөр шашин шүтдэг байх нь хэвийн үзэгдэл болчихож. Саяхан ТВ-ээр Чех нөхөртэй монголд бүсгүйн тухай гарч байна. Монгол эмэгтэй буддын шашин шүтдэг. Харин нөхөр нь католик шашинтай. Тэр айл унтлагын өрөөндөө бурхан багш, христийн зургийг өөд өөдөөс нь харуулаад тавьчихсан байх юм. Амьдрал гэж сонин юм шүү...

Намайг 10 жилийн сурагч байхад христийн сүмд очоорой гэж гуйж хоргоосон оюутан охидууд, залуучууд зөндөө тааралддаг байж билээ. Ертөнцийн эзний ивээлд багтах юм бол... гээд л баахан суртал хийдэг байж билээ. Тухайн үед нь уучлаарай би завгүй байна гээд л аргалаад өнгөрүүлдэг байлаа. Харин одоо тиймэрхүү зүйл Улаанбаатарт байдаг эсэхийг бүү мэд!!! Яаруу ажилтай байдаг бол иймэрхүү ухуулагч нар цагийн дайсан.

Одоогоос бараг сарын өмнө эмээ намайг ном уншуулаад ир гээд явуулав аа. 11-р хороололд байдаг Дашчойлин гэж хийдэд очиж эмээгийн хэлсэн номыг бичүүлсэн юм. Энд нэг авууштай юм нь сүсэгтэнүүд өөрсдөө хэдэн төгрөг сүм хийдэд өгөхөө шийддэг юм байна. Харин Гандантэгчилэн хийдэд бурхны ном уншуулах юм бол түрийвч хоосрох юм байна лээ. Сүм хийд гэдэг чинь уг нь буяны байгуулага. Тэгвэл энэ Гандангийн лам нар чинь түвд хэл мэддэгээ далимдуулаад хүмүүсийн итгэл үнэмшилийг ашиглаж овоо хэдэн бор цаас олчихдог бололтой.

Түүнээс гадна Монголд байгаа буддын шашны сүм хийдүүд хир тоосондоо баригдаад цаанаа л нэг гундуухан байх юм. Уг нь миний төсөөлөлөөр бол бурхан шүтээн байгаа газар чинь эмнэлэгийн мэс заслын өрөөнөөс ч дутахааргүй цэвэрхэ гял цал баймаар юм. Тэр лам нарын өмсөж зүүсэн дээл хувцасыг нь ээ. Гэр хорооллын айлын тогооны бариулаас нэг их дутаад байх юм алга. За тэгээд бурхан шүтээнээ нандигнаж ороосон хадаг самбай ч бас хирэндээ бариулаастай. Ёстой нөгөө Д.Нацагдоржын “Хуучин хүү” өгүүллэг дээр гардаг шиг л... Монгол лам нар бурхан шүтээнээ бузартуулахгүй, хир буртагнаас нь салгаад цэвэрхэн байлгаж болдоггүй юм байх даа. Гандангийнхан тэгэж их мөнгө төгрөг хүмүүсээс авч байгаа юм байж хар захаас барааны саван угаалгын нунтаг бөөндөөд авчихдаг болоосой. За за баахан шүүмжлэл бичээд хаячихлаа.

Хойно байхдаа Оросын Үнэн Алдартны шашины хэд хэдэн сүмээр орж үзэж байлаа. Дотороо ч гаднаа ч гял цал сайхан цэвэрхэн юм байдаг юм байна лээ.

PS:

Улаанбаатар хотод Энэтхэг улсаас манайд сууж байсан элчин сайд Бакула Ренбуучи асан, бас америкийн буддын холбооны хөрөнгөөр нээгдсэн Буддын шашны их хөлгөний төв гээд газар бий. Тэнд их цэвэрхэн юм байна лээ.

Зарлал. Хорт хийнээс хамгаалах баг худалдаж авна.

Ойрын хэд хоногоос химийн хорт хийнээс хамгаалах баг олж авах санаатай. /гэхдээ наргиа шүү. / Яагаад гэж сонирхож байна уу? Яагаад гэвэл Улаанбаатар утаандаа умбаад эхэлчихсэн. Өглөө орой ажил гэр рүүгээ явахад үнэн хүндрэлтэй болж байна шүү. Улаанбаатарын утаанд өвөлжөөд дасчихсан хүмүүсийн хувьд бол одоо улсын нийслэлийг бүрхээд байгаа энэ утаа юу ч биш гэнэ. Ид өвөл болохоор үүнээс ч илүү утаанд умбана гэж аав ээж хоёр хэлж байна. /Хэдхэн хоногийн өмнө оройн хоолны үеэр ээж аавтайгаа утаа гэдэг сэдвээр жаахан ярилцсан юм./
Намайг жаахан байхад УБТВ -ээр хорт багтай алдхаж яваа хүмүүсийг харуулаад агаарын бохиродолыг багасгая гэж уриалсан реклам гардаг байсан сан. Тэгвэл тэр реклам бодит амьдрал болох гээд байна шүү, хүмүүс ээ
Энэ өвөл Улаанбаатар утаандаа автах нь ойлголжтой. Цагаа өнгийн ороолт, малгай бол өмсөх ч хэрэг байхгүй. Орой бол хар тортог буугаад л ороод ирнэ. Одоо ингэж байгаа юм чинь ид өвлийн саруудад яана аа?

ӨНӨӨДӨР НАМРЫН АДАГ САРЫН ШИНИЙН 12

Өнөөдөр бурхан багшийн тэнгэрийн орноос газарт буусан ИХ ДҮЙЦЭН ӨДӨР юм байна. Энэ өдөр хийсэн буян хэд дахин арвижиж, харин энэ өдөр хийсэн нүгэл хилэнц асар их үрждэг гэнэ. Цагаан хоол иднэ ээ Өнөөдөр...

Хөөрхөн төрөх албагүй.

Энэ телевизийн олон ангит киноны гол санааг Колумбын зохиолч Фернандо Гаитану олжээ. Ингээд 1999 онд Колумбын телевизээр "Yo Soy Betty, la Fea” нэртэй олон ангит кино гарчээ. Уг кино Колумб улс төдийгүй, латин америкийн орнуудыг ч байлдан дагуулсан юм. Колумбын тухайн үеийн ерөнхийлөгч Андрес Пастрана ард түмэндээ хандаж үг хэлэхдээ энэ киноны дундуур гаргаж байхыг хүртэл хүсэж байжээ. Телевизийнхэн киноны дундуур зарлал сурталчилгаа явуудлахын оронд ерөнхийлөгчийн үгийг цацдаг байсан гэнэ. /Гэхдээ миний хувьд бол итгэмээргүй юм. Гэхдээ латин америкад байдал өөр байж болох л юм/.

"Yo Soy Betty, la Fea” олон ангит киног Бразил, Чили, Аргентин, Мексикийн телевизүүд ч худалдан авч өөр өөрсдийн эх орондоо үзүүлжээ. Үүний дараа кино бизнест анхаарал татсан нэг үйл явдал болжээ. SONY компани энэ киноны зохиолоор дахин олон ангит кино хийхээр болжээ.Бас Европын орнуудын тещлевизүүд ч зохиолч Фернандо Гаитанаас зохиолыг нь худалдан авч өөр өөрсдийн улс орныхоо нөхцөлд зохицуулан бага зэрэг өөрчилж олон ангит кино хийжээ.

АНУ –ын NBC телевиз 2005 оны намар Фернандо Гаитану энэ зохиолоор хийсэн кино гарсан байна. Оросын СТС телевиз ч бас колумбын зохиолчоос тусгай зөвшөөрөл авч “Хөөрхөн төрөх албагүй” олон ангит киног бүтээжээ. Киноны гол дүрийн бүсгүй Катя Пушкарева их амьдралд хөл тавьж байгаа жаахан биетэй хальт харах юм бол доожоо муутай гэмээр бүсгүй.Тэрээр хувцас загварын ZIMALETTO компанид ажилд орсноор киноны үйл явдал өрнөдөг. Хүн өөрийгөө сорьж амжилтанд хүрэхийн тулд өөрт байгаа зарим нэг боломжоос татгалзаж, зарим нэг зүйлээ бүүр золислох хэрэгтэй болдог. Харин бүр өөрийхөө хувь заяаг шийдэх эрхтэй. Киноны гол баатар бүсгүй ажилдаа амжилт гаргаж, мөрөөдлийн ханхүүтэйгээ гэрлэхийн тулд олон зүйлсийг золисолж, боломжуудаас татгалзаг. Яг энэ тухай л энэ кинонд үзүүлдэг өгүүлдэг юм.

Русская душа

В разгар рабочего дня принял вызов от совершенно незнакомого сотового телефона. За трубкой был услышан мне знакомый приятный женский голос. Эта была выпускница нашего ВУЗА. Между прочим она не простая девушка. Она же кандидат мед.наук - человек высоко образованный, интеллигентный. Так вот, она меня пригласила на торжественное мероприятие в честь монголо-российской дружбы. Щас и в Уланбаторе, и в Москве идут 47-ой месячник монголо-российской дружбы. Она сообщила что в рамках этой программы организуется слет выпускников российских ВУЗОВ. Я с удовольствием принял её предложенине и на следующий день планировался посетить РЦНК. Моя знакомка даже присылала мне всю программу по факсу. И якобы теперь все официально.
Но тот вечер я сидел копьютером до 3 часа ночи. Короче отработал дома. Я выполнял что что надо было сделать давно на работе. При этом тот вечер я еще общался через YAHOO MESSENGER со своим другом. На следующее утро конечно не мог встать рано утром.
Блин. Хуевый день.... Сука... на хуй.
Намеченный день все мои планы чуть не сорвались, так как я приехал на работу поздно. Из -за этого стало очевидно что я не смогу присутствовать торжественный приём. Я торчал на работе до 18.00. И еще поступил оперативная информация с пометкой молния. Так хуево.
И лишь половина седьмого я приехал в РЦНК. Ну не так уж всё плохо. Дело в том что ребята говорили что я приехал как раз во время. И это меня намного успокоил... Самое главное что я встретил там своего самого любимого преподавателя русского языка. Она приехала в Монголию, именно в Улан--Батор!!!!

Прошло достаточно много времени с тех пор как я покинул Россию. Русская музыка в моей душе стала ближе. И вот вчера я вновь почувствовал русскую душу. После концерта мы с друзями посидели в KHAN BROU поужинали, поболтали, повселилилсь. МЫ ВСПОМИНАЛИ ТЕ СТУДЕНЧЕСКИЕ ГОДЫ КОТОРЫЕ ПРОВЕЛИ В МОСКВЕ.
Крутой вечер....
После всего этого я ловил такси и приехал дома в пол ночь.
Сегодня 25 октября 2007 года приподнес для меня большой сюрприз. Я не забуду.

Шал хошин шог

Одоогоос хэдэн өдрийн өмнө ажлын газраас үзвэрийн билет үнэгүй тараадаг юм байна. Тухайн өдөр би ажил ихтэй байсан болохоор өөрт оногдсон тасалбараа ажлын газрынхаа нэг хүнд өгчихлөө. Тэгсэн чинь өнөөх чинь баярллаа гэж аваад л, тэр дор нь гар утсаа гаргаж ирээд хэн нэгэн рүү залгаад: найз аа, өнөөдөр орой хошин шогийн тоглолт хамт үзэх үү. надаа илүү билет байна гэж байна аа. Маргааш нь өнөөх чинь ажил дээрээ ирээд их дурамжханаар үнэхээр утгагүй хошин шог байна лээ гэж байна. Яагаад гэж намайг асуухад тэр, яахав дээ, марзагнах гээд ядчихсан юм байна лээ. Миний бүүр уур хүрэх шиг болсон гэв. Хошин шогийн зарим тоглолтыг харж байхад хүнийг зориудаар инээлгэх гэж хиймэл жүжигэнцэр тоглоод байх шиг санагддаг юм. Хамгийн гол нь хошин шогийн зохиол нь их тааруухан болохоор ийм хөгийн балай юм хийдэг байх.Оюун ухааны хомсдолтой хүмүүст зориулж хийдэг юм хийдэг юм уу хаашаа юм гэж тэр хэлж байна. Уг нь бол хошин шогийн тоглолт үзсэн хүн чинь хамаг стресс, бухимдалаа тайлаад сайхан инээж байгаад л театраас гарч ирэх ёстой биз дээ. Гэтэл хамт ажилдаг хүнд маань лав хошин шогийн тоглолт таалагдаагүй бололтой. Би хэзээ ч дахин хошин шогийн тоглолт үзэж байхгүй гэж тэр хэлж намайг алмайруулав. Гэхдээ хамгийн гоё нь тэр надад худлаа хэлээгүй. Шууд л өөртөө төрсөн сэтгэгдэлээ шулуухан хэлсэн. Үнэхээр түүнд хошин шогийн тоглолт таалагдаагүй л юм байгаа биз. Одоо эргээд бодоод байхад хошин шогийн тоглолтыг тэр үзэж байхдаа маш хүндээр тусгаж авсан байх аа. Комедияг бол маш хөнгөнөөр л хүлээж аваад тухайн үедээ л инээгээд л өнгөрөх ёстой байх аа.
Гэхдээ заримдаа зурагтын мэдээгээр гарч байгаа манай парламентын гишүүдийн хэлж байгаа үг, яриа, хийж байгаа үйлдэлийг нь харахаар миний л инээд хүрээд байдаг юм. Жишээ саяханы нэг өдөр УИХ-ын гишүүний эрх зүйн байдлын тухай дүрэм журмыг гишүүд өөрсдөө гаргаж байгаа юм. Түүнд нь УИХ-ын гишүүн "зугаа цэнгэл" хөөцөлдөж, казинод тоглож болохгүй гэсэн утгатай заалт оруулах эсэх асуудлаар гишүүд маргаж байна. УИХ-ын нэг гишүүн, казинод тоглож болохгүй юм бол дотор нь ороод зүгээр харж болно биз дээ гэдэг байгаа.
"Зугаа цэнгэл" гэдэг нь наадмаар морь уях асуудал хамаарч байгаа гэнэ. Монголын УИХ-ын гишүүдийн ихэнхи нь л наадам болохоор алдар цуутай уяач нар болчихсон байдаг даа. Морь уях нь "зугаа цэнгэл"-д хамаарах юм бол бөх барилдах нь бас багтаж таарна. Логикоор бол УИХ-ын гишүүн Бат-Эрдэнэ аварга одоо Цагаан сар, Наадмаар зодог шуудагаа өмсөөд огт барилдаж болохгүй болчихлоо. Тэгсэн чинь яг энэ үед нэг гишүүн наад заалт дээрээ нум сум харвахыг бас нэмээрэй гэж хэлээд танхимд байсан хүмүүсийг нир хийтэл нь инээлгэдэг байгаа.
Ингээд л бодохоор монголын амьдрал нь бүхэлдээ хошин болчихсон байна. Ингэхээр хошин шогийн тоглолт үзэх гэж теарт явах ч хэрэг алга. Зурагтаа л үз. Зурагтаар тэртээ тэргүй өдөр бүр монголын шог амьдралыг харуулж байна.

Зүрх мартахгүй

Зүрх мартахгүй

Холын шувуудад үгээ дайж нисгэсэн

Хоног тоолон чамайгаа хүлээсэн

Үнэрийг чинь аясын салхинаас нэхэж

Өнчин сартай ханьсаж ганцаардсан

Навч шиг гуниг зүрхэнд үерлүүлж

Надаас зугатсан хайр минь билээ чи

Нандин дурсамж сэтгэлд үлдээсэн

Намрын бороо шиг харуусал билээ чи

Цэнгэлийн шөнүүдээс өөрийгөө харамлаж

Цэцэг шиг өвөрөө чамдаа хадгалсан

Мартахсан гэж үргэлж бодсон ч

Маргааш нь дахиад л үгүйлсэн

Навч шиг гуниг зүрхэнд үерлүүлж

Надаас зугатсан хайр минь билээ чи

Нандин дурсамж сэтгэлд үлдээсэн

Намрын бороо шиг харуусал билээ чи

Бэтгэртлээ санасан сэтгэлээ аргадаж

Бишүүрхэн эрхлэх нэг л сайхан

Гэгэлзэн санасан мөч бүхэн

Гэгээн гунигтай жаргал байсан

Навч шиг гуниг зүрхэнд үерлүүлж

Надаас зугатсан хайр минь билээ чи

Нандин дурсамж сэтгэлд үлдээсэн

Намрын бороо шиг харуусал билээ чи

Унш, бас дахин унш.

Миний амьдрал сүүлийн үед нэгэн хэвийн болчих гээд байгаа юм шиг санагдав. Гэр – ажил – гэр гэсэн маршрутаар яваад л байна. Ажлын газрынхаа вирустэй хэдэн компьютерийн өмнө хамаг залуу насаа өнгөрөөчих вий гэж жаахан айв. Энэ долоо хоногийн 4 дэхь өдөр /2007-10-11/ ажлаа тараад зориуд номын дэлгүүрээр хэсэв. Нэг үеэ бодвол манай Улаанбаатарт чинь бас овоо хэдэн номын дэлгүүр байдаг болчихсон байна ш дээ. Интер пресс компаний дэргэд “Интер ном” гээд их тохилог үйлчилгээ сайтай, тохилт нь боломжын номын дэлгүүр байдгийг би мэднэ. Бас Hi-Fi дэлгүүрт зөвхөн л дуу хөгжим, CD, VCD, DVD зардаг юм байна гэж урьд нь боддог байсан Тэгсэн чинь бас номын худалдааны тасагтай юм байна гэдгийг мэдэж авав. /Өөртөө шинэ нээлт хийлээ./ Хараад байсан чинь дажгүй номнууд их байна аа. Их дэлгүүрийн номын худалдааны тасаг бас их аятайхан санагддаг юм. Нэг үе номын дэлгүүр гээд л байшингийн подвалд чийг ханхалсан мухар өрөөнд хэдэн ном хэвтэж байдаг сан. Гэтэл одоо энэ байдал өөрчлөгдсөн юм байна найзууд аа. Улаанбаатар хотод цөөхөн ч гэлээ “хөөрхөн” номын дэлгүүрүүд бий болжээ. За тэгээд нэгэнт л номын дэлгүүрээр орсон хүн чинь яалаа гэж гар хоосон гарах вэ. Лангуу тавиур дээр нь өрөөстэй байгаа номуудыг нэгд нэгэнгүй үзлээ. Орчуулагын номнууд нэлээн их харагдаж байна. Орос англи хэлээр мэр сэр ном зохиол, сэтгүүлүүд ч байна. Нээрээ орос сэтгүүл харсан чинь цаанаа л нэг өөр, сэтгэлд ойрхон дотно их гоё харагдаж байна лээ. Гэхдээ энэ удаа сэтгүүл авсангүй. Угаасаа л анхаасаа л ном авна гэж дэлгүүр орсон юм чинь. За тэгээд харж харж сонголтоо хийлээ. Бодоод байсан чинь би гэдэг хүн сүүлийн үед уран зохиолын ном огт уншаагүй юм байна. Тэгээд дэлгүүрийн лангуун дээр “Төрийн шагнал хүртсэн зохиолууд” гээд ном өрөөстэй байна. Тэр ном нүдэнд туслаа. Тэгээд шуудхан л худалдаад авсан. Хамгийн сүүлд уран зохиолын төрлөөс “Комната Жовани” гэдэг америк романыг оросоор уншсан. Дараа нь “Цэдэнбал и Филатова. Любовь, власть, трагедия” гэдэг дурдатгал уншиж байсан. Тэгээд л түүнээс хойш дахиж ном уншаагүй. Гэхдээ одоо ажил дээр ганц өдрийн дотор л өчнөөн материал уншиж, баахан бичиг цаастай зууралддаг болохоор огт юм уншдаггүй гэж хэлж бас болохгүй юм ааа. “Төрийн шагнал хүртсэн зохиолууд” авсан маань бас их учиртай. Монголын уран зохиол уншаагүй нэлээн удсан байгаа юм. Хамгийн сүүлд хэзээ би монгол зохиолчын бичсэн бүтээл уншсанаа огт санахгүй байна. Худалдаж авсан номонд маань төрийн шагнал авсан 40 бүтээл багтаж. Зарим нь ч урьд нь уншиж байсан зохиол, найраглал, шүлэг. Гэхдээ дахиад уншихаар гоё. Манай улс 1946 оноос хойш уран зохиолын бүтээлд Төрийн шагнал олгож эхэлсэн юм байна. /мэдэж авав./ Социализын үед төрийн шагнал хүртсэн зарим нэг зохиолууд нь манай нам, засаг гээд л магтаалын үг хааяа хайр гамгүй урсгасан байгаа юм. За тэр нь ч яахав. Хамгийн гол нь дээр үеийн зохиолч нарын бүтээл нь өгүүлэмж сайтай, үгийн сонголт сайтай, бас их уран яруу цаанаа л нэг л өөр юм аа. Гэхдээ одоо монголд сайн бичдэг зохиолч нар бас зөндөө л байгаа байх л даа, би л мэдэхгүй байгаа биз. Зиак тэгээд ажлаа тараад гэртээ ирээд жаахан амарч байгаад номоо шагайж суудаг болсон. Номын дэлгүүрийг дайлаар мордоход нэг иймэрхүү. Номоо уншиж дуусгаад дахиад номын дэлгүүр хэснэ ээ.

2007-10-11

Хожуу бодлын салхи

Хожуу бодлын салхи

Нар гижигдсэн мододын дэргэдүүр

Чамайг л явахыг чинь мэдсэн бол

Навчис бүжиглэсэн мөчир дээр нь

Шувуу болоод жиргэх минь ч яав даа

Эрэгээ чимээлсэн голын хөвөөгөөр

Чамайг л явахыг чинь мэдсэн бол доо

Элс алтарсан дэвсэг дээр нь

Цэцэг болоод ургах минь даа

Сарнай яагаан цэцгийн дундуур

Чамайг явахыг мэдсэн бол доо

Салхин аргадсан дэлбээн дээр нь

Эрвээхэй болоод буух минь ч яав даа

Монголын тэнгэрт нэгэн од харвасан өдөр

Одоогоос хэдэн өдрийн өмнө телевизийн мэдээллийн хөтөлбөр үзээд сууж байтал сэтгэл сэртхийлгэсэн юм дуулгав. “Танайд хоноё” нэвтрүүлгээр орж байсан элэгний хүнд өвчтэй, тэрсхэн хоёр балчир хүүтэй Т / бурхан болсон хүний нэрийг бичиж ясийг нь өндөлзүүлээд яахав гэж бодлоо. / гэдэг бүсгүй нас барсан тухай мэдээллээ. Тэр бүсгүй амьдралыг “Танайд хоноё” нэвтрүүлгийн ачаар монголчууд мэддэг болсон. Маш тарчигхан амьдралтай ч үнэхээр ажилсаг, цэвэрч хөдөлмөрч, даруухан зантай, эгэл бүсгүй юм даа гэж би дотроо бодож байсан юм. Тухайн үед нэвтрүүлгийг үзээд л надад төрсөн сэтгэгдэл юм шүү дээ. Тэр бүсгүй эрхэм журамтай сайн ээж байсан гэдэгт би бат итгэж байна. Хүнд өвчтэй ч би эдгэрнэ гэж өөртөө хэлж, үр хүүхдээ өсгөж, том эр болохыг харна аа. Хоёр сайхан хүүтэй хүн шүү дээ би чинь гэж ярьж байсан сан. Манай монголчууд хүн чанараа арай ч гээчихээгүй байгаа гэдгээ нотолж тэр бүсгүйд бололцооныхоо хэрээр туслаж, Бээжин хотод хийлгэх эмчилгээний зардалд нь нэмэрлэж байсан сан. Ээж тэнгэр рүү явчихсаан гээд өнчирч үлдсэн учир мэдэхгүй балчир үр нь хэлж байсныг ч бас цэнхэр дэлгэцээр саяхан харуулсан. Хүн болгоныг гэрэлт од гэж зүйрлэх юм бол 10 сарын тэр нэгэн өглөө монголын тэнгэрт нэг од харвасан. Тэр жирийн нэг од байсангүй. Даруухан, сайхан сэтгэлтэй од байсан гэдэгт итгэнэм. Үүлэн чөлөөний нар шиг богинохон настай байсан тэр бүсгүй хойд насандаа сайн төрлийг олох байх аа. Ум мани бад ни хум. Харин одоо өнчирч үлдсэн балчир хоёр хүүг нь боловсролтой, сайн хүн болж, эх орондоо хэрэгтэй хүн болгож хүмүүжүүлэхэд нь л туслацгаая хүмүүс ээ !!!

2007-10-10

Цаг хугацаа

Цаг хугацаа ямар хурдан өнгөрч байна аа. Саяхан л шинэ долоо хоног эхэллээ гэж бичиж байсан сан. Гэтэл одоо ням гараг. Маргааш дахиад л шинэ долоо хоног эхлэх нь байна. Ажил ихтэй байсан болохоор ч тэр үү? Энэ энэ долоо хоног бараг анзаарагдахгүй л өнгөрлөө. Энэ долоо хоногийн нэг муу мэдээ – хамрын ханиад хүрчихсэн. 3 дахь өдрийн орой хамаатаныхаа гэрт нь очсон чинь хоолны дараа ice-cream өгдөг юм байна. Тэгээд маргааш өглөө нь сэрсэн чинь хоолой өвдчихсөн. Хоолой өвдчихөөр ажлаа яаж хийнээ л гэж хамгийн түрүүнд бодогдсон. Хоолой өвдсөн нь даамжираад хамарын ханиад болж хувираад...
Өчигдөр орой хаяа очиж суудаг газраа орж жаахан шар айраг уучихаад гэртээ харилаа. Хоолой өвдөөд, хамрын ханиадтай байж хүйтэн айраг балгаад... Хамгийн гайхалтай нь өнөөдөр өглөө сэрсэн чинь хамрын ханиад, хоолой хөндүүрлэж байсан нь ор сураггүй алга болчихсон. Хорыг хороор гэдэг үг байдаг. Энэ үг аргагүй л үнэн юм аа. Үүнээс хойш, түүнээс цааш хоолой өвдсөн үед хүйтэн шар айраг ууж байна аа. /Хүүе, би одоо шал буруу суртал ухуулага хийгээд уналаа. Хоолой өвдөх юм бол эм уугаарай хүмүүс ээ. Гэхдээ зарим нэг онцгой тохиолдолд шар айраг бас эм болдог л юм байна. Хэхэ./ Нээрээ энэ долоо хоногийн сүүлээр цаг агаар жаахан сэрүүхэн болсон нь хоолой өвдөлт хамрын ханиад болж мутац үүсэхэд нөлөөлөхсөн байхаа.
Энэ долоо хоногт энэ намрын хамгийн сүүлчийн бороо ч орсон байж магадгүй. Бас энэ жилийн хамгийн анхны цас орсон. Бороо нь цас болоод л..
Энэ долоо хоногийн онцлох өөр нэг юм гэвэл манай хэлтэст дадлага хийхээр нэг оюутан бүсгүй ирсэн. Өглөө болгон үүнийг хийж гүйцэтгээрэй гээд даалгавар өгчихнө. Нөгөөх чинь баахан удаж удаж “Ах аа, би энэ ажлыг хийгээд дуусгалаа. Та шалгаад өг” гээд л хүрээд ирнэ. Заримдаа үүнийг яах уу гээд надаас асуугаад л.... Тэгэхээр нь наад юмаа ингэчих ээ гээд л зааварчилгаа өгнө. Эсвэл наадах чинь ийм учиртай асуудал байгаа юм гээд л тайлбарлаад явуулна. Ингээд амьдралдаа анх удаа оюутны дадлагын ажлын удирдагч нь бол байна.
Ням гаригт 10 цаг хүртэл унтав. Ямар их унтав аа. Ажилтай болохоор 7 хагас гээд л сэрдэг хүн чинь өнөөдөр харин гоё унтаж амарлаа. Тэгээд л өглөө “зад угаагч” болж, үдээс хойш ном шагайж суулаа. Иймэрхүү л ням гариг өнгөрөх шив дээ.

FOTO NEWS

Амалсан ёсоороо фото зураг орууллаа. Тайлбар нь доор нь байгаа шүү.

Зураг 1. Амралтын газар хөл тавьлаа. Анхны сэтгэгдэл дажгүй шүү
Зураг 2. Амралтын газар дөнгөж ирээд.

Зураг 3. Ногоон баатар. Зэс хуучираад ногоордог юм гэсэн.
Зураг 4.Хүлэг баатрын хөшөө. Магадгүй Чингисийн хөшөө ч байж магадгүй. Зураг 5. Амралтын газрын нийтлэг дүр төрх
Зураг 6. Нэг гэрээс нөгөө гэр рүү чулуун хашлагатай замаар... Зураг 7. Чингис хаанд зориулсан дурсгалын цогцолбор
Зураг 8. Хад, мод холилдоод...Зураг 9. Намараа гэж... Зураг 10. Алтан намарЗураг 11. Би оргилд нь авирч үзмээр л байлаа... Зураг 12. Намрын налгар өдөр Зураг 13. Хад асга

Зураг 14. Хоолон гэр дотор

МОБИКОМ ахыг би царай алдахгүй.

Өчигдөр Мобикомын гар утастай хүмүүс нэлээн бухимдсан байх аа. Гадагшаа залгая гэтэл холбогдохгүй. Мобикомын үйлчилгээ үе үе доголдоод байгаа нь хүмүүсийн дургүйцлийг төрүүлж, гар утасны оператороо солиход хүргэж байгаа юм. "Өнөөдөр" сонин дээр энэ тухай нийтлэл хэвлэгдэж гарсан байна лээ. Нээрээ "Мобиком" ахыг үргэлж аргадаад гуйгаад, царай алдаад байна гэж юу байсан юм бэ? Цаана чинь SKYTEL, UNITEL, G-MOBILE гээд өөр сонголт байна ш дээ. Байгуулагдаад удаагүй байгаа, цөөхөн хэрэглэгчтэй UNITEL компаний үйлчилгээ маш боломжын юм байна лээ шүү. Гадагшаа аль ч оператор руу задгахад нэг тарифтай, мессеж нь хямдхан. Үйлчилгээний эрх сунгах, хугацаа гэж байхгүй. Нэгжээ аваад л хийхэд хугацаа нь давхар сунаад. UNITEL болоош дээ. Би лав MOBICOM-ийг царай алдахгүй дэг. Өнөөдөр сонин дээр гарсан нийтлэлийг өөрийнхөө блогт copy-даад орууллаа.Уншаад үзээрэй. Үнэн үг байна лээ.

“Моби”-гийн сүлжээг аргадсаар байх уу
П.БАТТУЛГА (2007.10.02)
Өвгөн буурал ах нь, өнөө муу Nokia-3310 гарган, 99ХХ… дугаар руу анх эхлээд залгалаа. Дэлгэцэн дээр “Error in connection” гэсэн үг тодров. Ахиад нэг залгатал “Number buzy” гэж гарлаа. Адаг сүүлд нь залгатал ашгүй нэг юм холбогдлоо… Өнөө цагийн “Алтан загасны” монгол өвгөн ингэж нэг юм эмгэндээ хэлэх үгтэй болов.

Мобикомын хэрэглэгчид сүүлийн хэд хоног “эмгэндээ мөн ч их тархидуулж” байна даа. Хартай эхнэр уурлан, хайран утсыг нь хана руу савах тохиолдол ч цөөнгүй гарч байгаа дуулдав.

Хамгийн олон хэрэглэгчтэй, хамгийн анхны үүрэн телефоны оператор гээд хамгийн, хамгийн бүхний цуглуулга болж нэгэнт чадсан Мобикомын үйлчилгээнд ихэвчлэн сүлжээгүй болох доголдол юуны учир үе үе гараад байдаг юм бол. Асууж, сурлаа. Олон түмэнд энэ тухай мэдээллийг дуулгахаас гадна, орой хариад “эмгэндээ” хэлэх үгтэй байлгүй горьгүй.

“Манай компани олон төрлийн техникийн болон үйлчилгээний өргөтгөл байнга хийж байгаа. Үүнтэй холбоотойгоор зарим хэрэглэгчийн сүлжээ унах зэрэг бага зэргийн саатал гарч байгаа байх. Ер нь намар өдийд нийслэлийн хүн амын нягтрал ихэсдэгтэй холбоотойгоор ачаалал нэмэгддэг. Ямар ч ачааллыг даах техникийн нөөц хүчин чадалд тун ойртож байгаа” хэмээн албаны “алтан загас” өгүүлээд, ус руугаа эргээд орчихов.

Хэрэглээ улам нарийсан, сонгосон дугаар руугаа залгадаг, ирсэн дуудлага хүлээн авдаг төдийхнөөс хальж, хүүхэд, залуусын сонирхлыг татсан олон үйлчилгээ нэвтрүүлнэ гэдэг сайн хэрэг байлгүй яах вэ. Тэрбайтугай камертай утас гэж ярьдаг байсан бол одоо утастай фотоаппарат гарчихаад байхад. Гэвч аливаа үйлдэл, үүрэг, функц нарийсах тусмаа эрсдэл дагуулдаг логикийг батлах аятай Мобикомынхон зүгээр л гар утсаараа ярих гэсэн хэрэглэгчийн үндсэн эрхийг ноцтой зөрчиж байна. Техникийн шинэчлэлтэй холбоотой элдэв эрсдэл байхыг Nokia-3310-ынхаа үйлдлүүдийг бүрэн ашиглаж чаддаггүй мань шиг малын бага эмч үгүйсгэвэл утгагүй хэрэг л дээ. Гэхдээ хэсэгчлэн хаах, урьдчилан сануулах, хэвлэл мэдээллээр зарлах зэрэг арга зам байсаар байтал ингэж хэнэггүйтэж, хэрэглэгчдээ бухимдуулж арай л болдоггүй байлтай.

Монгол Улс 2.5 сая хүнтэй гэж тооцвол 670 мянган хэрэглэгч гэдэг хүн амын бараг дөрөвний нэг гэсэн үг. Үнэхээр хамгийн олон хэрэглэгчтэй, монополь оператор гэхээс өөр яалтай. Бизнесийн элдэв тактик, менежмент, алс хэтийн том зорилт гээд зарим үгийн утгыг нь ч бүрэн ухахын аргагүй, өрсөлдөөний дундаас цойлон урагшлах арга барил байдаг л байлгүй. Наад захын ТҮЦ-ийн худалдагч ч борлуулалтаа нэмэгдүүлэхийн тулд толгойгоо гашилгадаг цаг хойно. Гэхдээ тооноос чанарыг эрхэмлэж буй энэ цаг үеийн хэрэглэгчид Моби-гийнхны удаа дараагийн иймэрхүү үйлдлийг таашааж суугаа нь юу л бол.

Хэрэглэгч бүрт 30 хоногийн хугацаа нэмэгдлээ, гадаадад гар утастайгаа, дуудлага дуулж байна, мобимедиа, үнэ хямдарлаа, төрсөн өдрөөр бэлэг өгнө зэрэг өдөр алгасахгүй шахам утсанд ирэх мессежийг сонирхох, хэрэглэх хүн олон ч, үндсэн үйлчилгээ болох хүссэн үедээ саадгүй ярих, түг таг гэсэн төмөр хавирах мэт хахирган дуу саад болохгүйгээр ярилцагч хоёр бие биенийхээ яриаг тод сонсохыг чухалчлах хүн өмнөхөөс хэд, магадгүй хэдэн зуу дахин олон байгаа.

Тун саяхан танил маань тийм ч хямдгүй гар утас авав. Гайхуулж байна аа, өнөөх чинь. Маргааш нь харин нөгөө шинэ утас нь ямар ч сүлжээгүй болчихож. Хурал, хуйгаа таслан байж TEDY рүү харайлгаж. Эхлээд засварчинд үзүүлж, задлуулж. Удаад нь авсан хүн дээрээ очиж. Сүүлд нь үйлчилгээнийхэнд хандаж гэнэ. Тэгтэл “Удаан хэрэглэсэн, элдэв үйлчилгээ авдаггүй ийм “өвгөн” сим карттай хүмүүсийг ингэж сүлжээгүй болгох аргаар дуудаж, картыг нь сольж байгаа юм” гэжээ. Засварчин утсыг нь тоносон бол, зарсан хүн нь хэрүүл үүсгэсэн бол чирэгдлийг хэн хариуцах вэ.

Энэ тухай тус компанийн ажилтан “Хуучин симтэй хүмүүсийг ирж, үнэгүй солиул гэж өнгөрсөн жил сар гаруй хугацаанд зарласан. Ирэхгүй хүмүүсийг ингэхээс яах вэ” гэсэн утга бүхий хариулт өгч байна.
Хэдий болтол “Ийм явдал болсон нь тоогүй. Үүнийг магадалъя. Тайван амгалан байцгаа” гэх гээ вэ. Хэрэглэгчдэд хаан, хатан гээд л элдэв цол чимэг өгөөд байдаггүй бил үү, та нар.

www.mongolnews.mn -ээс

Эрос оньсогоний эгэл хариулт

Эрос оньсого таах гэж өөр өөрсдийн хувилбараа гаргасан хүмүүёсит бүгдээрэнд нь баярллаа.

Оньсогоны хариулт маш энгийн юм аа. KHAH хөшиг гэж хэлсэн. Гэвч уг нь бодоод байхад хөшиг байнга унжиж байдаг юм аа. Гэхдээ өдөр нь унжаастай. Шөнө нь углаастай байдаг гэсэн болохоор хөшиг бишээ. Хөшиг бол байнга л унжаастай байдаг ш дээ. Nana /ах ч юм уу, аниа ч юм уу бүү мэд/ , Цагаанаа хүү хоёр үг дуугүй бууж өгч байна байна . Муу байна шүү. Таах гэж оролдохгүй. Bayabaga san нэлээн сайн сэтгэж байна шүү. Нээрээ бодоод байсан чинь тогын залгуур байж болох юм байна. Гэхдээ энэ оньсого хэлсэн эгч өөр хариулт хэлсээн.

Оньсогоний хариулт нь цүүтэй монгол цоож гэж хэлсэн.

Баасан, Бямба, Ням

Хөөё, одоо гэртээ хариач ээ.
Өнгөрсөн баасан гарагт ямар их ачаалалтай ажиллав аа. Гурван өдрийн ажлыг ганц өдөрт багтаах гэж гүрийгээд. Сүүлдээ манай гэрийнхэн “Ирэх болж байна уу, Ямар их оройтож байна аа” гэж байн байн утасдаад... Ажилаа дуусгаад шөнийн 1 цаг гэхэд л гэртээ ирсэн юм байна...

Цаг мэддэггүй Монголчууд
Бямба гаригт ажил хийхгүй ч ажил дээрээ 10 цаг гээд очих учиртай. Тэгсэн чинь би өглөө хар үүрээр эрт сэрдэг байгаа. Яг л ажилтай өдөр орноосоо босдог шигээ 07.45 гээд сэрчихдэг байгаа. Зиак тэгээд 10 цаг гээд ажил руугаа явлаа. Уг нь ажил дээрээ хүмүүстэй яг 10 цагт уулзана гэж тохирсон ч би бараг 30-аад минут хэтэрүүлж очсон юм. Монголын юм хэзээ л цагтаа эхэлж байлаа гэдэг сэтгэхүйгээр л зориуд хоцорч очсон юм. Ингэж хоцорч очсон маань ч онож. Манайхан 11 цаг гэхэд л бүгдээрээ цуглардаг байна шүү. Хүн хэлэлтгүй би ч бас сүүлийн үед цаг барихдаа тааруухан болоод байгаа...

Эрос оньсого
Ажлынхан арай гэж цугларч гүйцлээ. Тэгээд тав зургаан машин цуваа үүсгээд Тэрэлжийн зүг хурдлаж гарав аа. Улаанбаатараас Тэрэлж рүү хурдалж байх зуур хоорондоо онигоо яриад л... Инээлдээд л... Манай ажлын газрын хамгийн намбатай байрын нэг эгч аймаар эрос оньсого хэлж намайг байтугай бусад хүмүүсийг ч алмайруулдаг байгаа. “Өдөр нь унжаастай. Шөнө нь углаастай. Тэр юу вэ?” Надад бол шууд л “хоер дугаар сувагийн” юм бодогдоод эхэлсэн. Нэг машинд цуг явж байгаа бусад хүмүүст ч бас тиймэрхүү санагдсан гэсэн шүү. Хүмүүс энэ оньсогийг таах гэж аргаа бараад, сүүлдээ бууж өгч, нөгөө эгч маань оньсогийнхоо хариуг өөрөө хэлж байна лээ. Та нар ч бас таах гээд үзээрэй. Оньсогийн хариуг дараа нь би бичнэ ээ... Тэрэлж орох замдаа онигоо сонсож инээлдсээр байгаа л таарсан. Нэг мэдсэн чинь Тэрэлжийн ойролцоох нэг амралтын газар ирчихсэн.

Будыг анх харсан сэтгэгдэл.
Үгүй ээ. Буд бишээ, амралтын газрыг...
Ахиад таарах сан гэж бодсон.
Аз таарч учирсан бид гээд... л “Lemоns”-ийн ийм нэртэй дуу байдаг ш дээ. Нэг залууг шохоорхож хараад анх төрсөн сэтгэгдэлийнх нь тухай дуу. Lemons-ийн улаан фенүүд мэдэж л байгаа. Тэрэлжид ирээд төрсөн сэтгэгдэлээ тооны хэлээр илэрхийл гэх юм бол би “+” тэмдэг л дүрсэлнэ. Тэрэлжийн эргэн тойронд ямар их амралтын газар, жуулчны бааз байгуулагдаа вэ? Бидний очсон газар тохижилт сайтай, цэвэрхэн, аятайхан амралтын газар байна лээ. Хоол унд нь ч амттай. За за муу хүн идсэн ууснаа гэж... ер нь бол очсон амралтын газрын талаарх анхны сэтгэгдэл - таалагдсан.

Хаалгач болсон минь
Манай ажлынхан хуваагдаж баг болоод спортын тэмцээн зохиогоод. Тэр амралтын газар нь сагс, хөлбөмбөгийн талбайтай юм байна лээ. Сагсны тэмцээнд нь манай баг хожигдоод. Унасан хүн ууртай гэдэг шиг дараагийн тэмцээнд л багаа аварна гэж шаралхаад, санасандаа хүрч чадсан. Дараагийн тэмцээн нь хөлбөмбөгийн тэмцээн байлаа. Тэгээд манай багийнхан намайг хаалгач болгоод. Би ер нь спортод тааруухан. Гэхдээ нохой хамартаа хүрэхээрч усч гэдэг дээ. Багийнхаа хаалганд би 2 бөмбөг алдаж, 3 бөмбөгийг хамгаалж чадсан. Аан тийм, бас нэг удаа торгуулийн бөмбөгийг хаасан юм байна. Кеке. Тэгээд манай баг хөлбөмбөгийн тэмцээнд нь нэгдүгээр байранд орсон.

Гэрэл зураг л сүүлд үлдэнэ.
Өөрийнхөө зургийн аппаратны memory картыг нь одоогоос бараг сарын өмнө гээчихсэн. (тэр өдрийг эргэж дурсмааргүй байна.) Тийм болохоор би энэ удаа зургийн аппаратаа авч яваагүй. Оройн хоолны өмнө нь ажлын газрынхаа хүний зургийн аппаратыг гуйж аваад хэд хэдэн зураг дарсан юм байна. Гэрэл зураг л сүүлд үлдэх болохоор би очсон газар болгондоо зураг дарж явдаг хоббитой. Энэ удаа зургаа оруулж амжсангүй ээ. Дараа зураг оруулна аа.
Шингэн талхыг литр литрээр...
Оройн хоолны дараа ажлынхантайгаа шингэн талх уусан юм байна. Манай менежерүүдийн хотоос авч гарсаныг нь дуусгаад дараа нь амралтын газар зарж байгааг нь бөөндөж аваад. Зарим гарууд шингэн талх, гашуун юм хольж уугаад нохой гахайг гурав болгож хараад байна лээ. Кеке...
За энэ ч яахав. Сэтгэл нь хөдөлсөн хүмүүс Улаанбаатар руу FM радио руу утасдаж, байгуулагынхаа бүх албан хаагчдад .... ойн баярын мэнд хүргэе гэж дуу захиалаад. Захиалсан дуу нь FM-ээр явсан чинь юу болов оо. Баахан сэтгэл нь хөөрсөн хүмүүс, газар доргиж, уул хад цуурайттал шоу болдог байгаа.
Өнөөдөр
Өнөөдөр 10 сарын 1 даваа гариг. Ажлын шинэ долоо хоног эхэллээ Би ажлынхаа өрөөнд сууж байна. Одоо долоо хоног бүрийн ээлжит хурал эхлэх нь.. хурал тараад өнөөдрийн ажил ч ундарч гарна даа.. Зиак ингээд хурлын зал руу явлаа...

Өнөөдөрийн нэг бодол, нэг үйл явдал...

Өнөөдөрийн бодол
NTV Бүгдийг нь бус чухалыг нь. Монголд үйл ажиллагаа явуулж байгаа олон телевизүүдийн бүх нэвтрүүлгийг үзнэ гэвэл бүтэхгүй асуудал нь тодорхой. Оройхон гараад шүрүүхэн дайрч байгаа дайчин телевизийн нэг бол байгуулагдаад нэг жил ч болоогүй байгаа NTV юм аа. Монголд ажиллаж байгаа телевизүүдээс хэн нэгэний эрх ашгийг илт хамгаалсан өнгө аяс ханхлаад байдаг. Тэгвэл NTV телевизийнхэн хэн нэгэнд тал засдаггүй юм шиг санагдав. Бүгдийг нь биш, чухалыг нь гэсэн уриатай NTV-ийн “Цаг үе” мэдээллийн хөтөлбөрийн мэдээний чанар ялгарч байна аа. Тэд юмны донжыг нь олоод шудрага мэдээлээд байх шиг санагдаад байгаа юм. Зарлал сурталчилгаа тасралтгүй гараад үзэгчидийг залхаагаад байхгүй юм. Орчин үед маш их үйл явдал болж өнгөрч байгаа болохоор бүгдийг нь хүн болгон мэдээд байх албагүй. Угаасаа монголд болоод дэлхий дахинд болж байгаа үй түмэн үйл явдлыг мэднэ гэхэ юм бол тархи толгой ачаалалаа даахгүй сонин юм болох биз. NTV-ийн бүгдийг нь биш, чухалыг нь гэсэн уриа ч цаг үеэ олсон зөв лоозон юм шигээ.

Өнөөдөрийн үйл явдал
Шил шилээ дарсан төрсөн өдөр...

Ойрдоо ажил бүтэмжтэй. Сэтгэл санаа ч өөдрөг сайхан байна аа. Долоо хоног бүрийн хурал дээр дарга нартаа магтуулаад. Заз за, өөрийгөө магтах ч яах вэ. Өөрийгээ магтсан нь адгийн тэнэг гэдэг ш дээ. Гэхдээ үнэн юмыйг үнэнээр нь л өисэн нь дээр...

Нээрээ, би чинь авга ах болоод нэг жил болж байгаа хүн. Кеке. Жаахан хүүхэд бас хөөрхөн шүү. Нагац ахын хувиар өнөөдөр төрсөн өдөрт уригдсан юм байна. Манай ах дүү, хамаатан садангууд цуглараад төрсөн өдөр нь болж байгаа “өхөөрдөм муухай” хүүхдэд бэлэг гардуулаад л...

Хонгор явдлын эмгэнэл

Одоогоос хэдхэн хоногийн өмнө сэтгүүлч Цэнддоо “Хонгор явдал” нэртэй шог өгүүлэл бичсэнийг монголын томоохон сайтуудаар дамжуулан хэвлэж зарим нэг блогчид хүртэл өөрийнхөө блогт байрлуулж байсан. Сэтгүүлч Цэнддоо “Хонгор явдал” өгүүлэлээ мат сонирхолтой хэлбэрээр бичсэн нь олон хүнд таалагдаж, олон хүнд хүрсэн юм шиг санагдсаан. Дархан хотоос холгүй байдаг Хонгор суманд гар аргаар байгалийн баялаг олборлодог хүмүүс цианит натри гэдг химийн хортой бодисийг ашигладаг юм байна. Цианит натри, мөнгөн усаар алтыг шүүж тунгаах нь ус хэрэглэснээс илүү цаг хэмнэдэг тустай гэнэ. Иймээс нинжа нар мөнгөн ус, цианит натрийг хэрэглээд зөндөө удаж байгаа юм байхаа. Цианит натри, мөнгөн ус маш хортой бодис гэдгийг дунд сургуульд химийн хичээл хагас хугас үзсэн хүн бүхэн мэддэг байх ёстой. Гэтэл Хонгор сумын нутаг дэвсгэр тэр чигээрээ хордоод байхад Дархан Уул аймгийн засаг дарга, Хонгор сумын дарга “сэтэр” зүүдэг албаны хүмүүс, манай иргэд хордоогүй ээ гээд гүрийгээд байгаа нь маш их сонирхол татаж байгаа юм. Тэр ч бүү хэл Монголын засгийн газар хүртэл Хонгор сумынхан химийн хортой бодист хордоогүй гэж шинжилгээгээр гарсан гээд мэдэгдээд байх юм. Дархан уул аймгийн Хонгор суманд хүмүүс химийн бодисонд хордсон уу гэвэл хордсон. Монголын “Чернобыль” болоод байгаа Хонгор суманд ажилласан телевиз, хэвлэлийн сэтгүүлчид мөнгөн ус, цианит натрид хордож биеээр нь яр шарх туурсан, үс нь халцарсан хүүхэд хөгшчүүдийг үзүүлж, нүд халтирмаар төрсөн гэрийн тэжээмэл малыг харуулаад байхад л албаны хүмүүс үүнийг тун “хонгор” үгээр тайлбарлаад байх юм. Химийн бодист хүмүүс хордоогүй. Тэд бүгдээрээ угаасаа хамуу ч билүү, юу ч билээ арьс өнгөний өвчтэй. Үс арьсгүй нүд халтирмаар төрсөн тугал нь үнээ гахай хоёр хурьцсанаас болсон гэж албаны хүмүүс хэлээд байгаа юм. Миний бодлоор үнээ гахай хоёр жиг ургуулж чадахгүй. Гахай, үнээ хоёр чинь биеийн хэмжээнээсээ эхэлээд олон юмаараа ялгаатай биз дээ. Яаж ч бодсон бүдүүн тагжгар “гахай ах” өндөр гоолиг “үнээ эгчийг” дарж авч ДЭЭР нь мордож барахгүй байлгүй л дээ. /Хэ хэ. Би гэнэт юун секс юм бичээд унав аа./

Засгийн газар цианит натри, мөнгөн усанд иргэд хордсоныг хүлээн зөшөөрөхгүй байгаа нь манай төрийн өндөрлөгт байгаа дээдсийн хувийн бизнестэй холбоотой гэдэг санааа монголын зарим сонин дээр бичигдсэн байна лээ.Хэрвээ химийн бодисоор хүмүүс хордсон гэх юм бол хэн хаанаас хортой бодис хилээр оруулав гээд л бөөн хэрэг мандах гээд байгаа бололтой. Засгийн газрын байр суурийг монголын хамгийн шилдэг нь гэж өөрийгөө магтаад байдаг TV5 –ийн “Цаг” мэдээллийн хөтөлбөр хамгаалаад байгаа юм. Хэдхэн хоногийн өмнө Хонгор сумын засаг дарга үнэнч шудрага гүндүүгүй хүн. Хэрвээ хүмүүс химийн бодист хордсон бол нууж дарагдуулахгүйгээр шууд л ил тод зарлах хүн байгаа юм гэж бууддаг байгаа. Хонгор сумын дарга бол ЭНХИЙН ЦАГААН ТАГТАА шиг ариухан амьтан байгаа юм гэж TV5 магтан дуулаад байгаа нь гайхалтай.Үнэнийг удаан нуух тусам хохирол нь ихэсч “Хонгор явдал”- “Хонгор эмгэнэл” болж хувирч байна даа.